影片
更多
2006-05-31
2 浏览
是日公假四圍遊，臨時決定到荃灣搵食。好在之前有做功課，記低幾間食店，而呢間最近地鐵站，所以就先試呢間啦！兩個人叫：炸豬扒上海麵麻辣湯底(中辣)加鹵水豬大腸、福建三寶四川酸辣紅薯粉(小辣)加兩杯奶茶。豬扒麵- 係薄薄地、淋淋地唔脆豬扒，雖然唔係我最鍾意o固種質感豬扒，但係我都覺得好好味。因為醃得好入味，令到味道好出。不過真係幾油，唔可以成日食。麻辣湯底只辣不麻，而且中辣確係唔少，熱汗直標。麵質麻麻地，但份量幾多。好飽！鹵水豬大腸有驚喜，爽口唔肥同幾夠味，份量都唔少。三寶紅薯粉- 雲吞、燕丸同(好似係)醬爆魚丸麻麻地，但薯粉煙韌幾特別，唔係度度食到，幾好味。酸辣湯底加埋花生炸菜，十分豐富。奶茶- 雖然唔係好夠茶味，但總算夠奶夠滑，合格有餘。之前網友留言話無煙味，但今日一入門口就見人食煙，攪到全舖煙味。唔知係咪改可以食煙？！加上位都幾逼同唔係幾好坐。環境扣分......
兩個人叫：炸豬扒上海麵麻辣湯底(中辣)加鹵水豬大腸、福建三寶四川酸辣紅薯粉(小辣)加兩杯奶茶。
豬扒麵- 係薄薄地、淋淋地唔脆豬扒，雖然唔係我最鍾意o固種質感豬扒，但係我都覺得好好味。因為醃得好入味，令到味道好出。不過真係幾油，唔可以成日食。麻辣湯底只辣不麻，而且中辣確係唔少，熱汗直標。麵質麻麻地，但份量幾多。好飽！
鹵水豬大腸有驚喜，爽口唔肥同幾夠味，份量都唔少。
三寶紅薯粉- 雲吞、燕丸同(好似係)醬爆魚丸麻麻地，但薯粉煙韌幾特別，唔係度度食到，幾好味。酸辣湯底加埋花生炸菜，十分豐富。
奶茶- 雖然唔係好夠茶味，但總算夠奶夠滑，合格有餘。
之前網友留言話無煙味，但今日一入門口就見人食煙，攪到全舖煙味。唔知係咪改可以食煙？！加上位都幾逼同唔係幾好坐。環境扣分......
张贴