雲魅 (已結業)

呢兩日路過旺角彌敦道726號果棟好多野食既大廈度買外賣，餐廳開業唔係好耐，朋友之前推介既，小編又想試新野就去左18樓雲魅既餐廳度買外賣，環境都幾靚，職員好友善甘介紹菜式問我想食d咩，之後我叫左一碟刀拍青瓜，一碟涼伴木耳，青瓜爽口辣味比較重，但都辣得幾過癮，木耳好爽口好入味。仲有叫左一碗蕃茄湯底既七彩麵我揀左肥牛，呢碗麵既麵條真係用七種唔同既顏色同蔬菜材料整成既，顏色吸睛得黎食落比較健康，有胡蘿蔔，螺旋藻，雞蛋，紫薯等等既材料整成七彩色既麵，比較特別，而且外賣打開蕃茄湯同麵分開左上唔驚整淋晒d麵，仲有碗麵既擺盤好精緻，好豐富有好多食材配搭响碗度，有午餐肉，蘆筍，鵪鶉蛋，咸菜等等既配料，七彩麵食落好彈牙，湯底蕃茄味濃郁仲叫左一盒芹菜牛肉飯，辣辣地既牛肉同芹菜碎送飯一流，最特別既係佢地既飲品，叫左一杯紅棗木瓜冰冰粉，唔會太甜冰粉好有咬口，感覺好似食緊蒟蒻，甘仲有紅棗肉同木瓜籽响入面，另一杯係紅棗蜂蜜茶，都好好飲，健康飲品。下次有機會一定帶朋友上去堂食。