影片
更多
2023-08-09
63 浏览
每次去韓國餐廳都必嗌人蔘雞！🐥今次嚟到Times Square嘅SUL JIB見餐廳咁啱有個同雪花秀合作嘅人蔘主題套餐 有人蔘雞之餘仲有多款特式人蔘美食 食完仲可以憑coupon去樓下嘅雪花秀專櫃換領護膚產品！😻《水潤人蔘饗宴》$680◍「韓式前菜、泡菜、糖拌人蔘沙律」🥗前菜先有多款唔同嘅韓式小食同泡菜 淨係食小食都飽咗一半😆仲試咗第一次嘅人蔘沙律 本身仲驚會好苦 但加埋砂糖一齊食又啱啱好☺️◍「綜合雜錦煎餅、人蔘牛骨鍋」🐮韓式煎餅平時食得多 冇諗過呢度嘅煎餅竟然咁特別🤩係直接包住唔同嘅食材嚟煎 感覺有啲似食緊煎釀三寶 但又同時更豐富 每款食材都釀咗唔同嘅餡料🤤而牛骨鍋都十分精彩 足足有成條完整人蔘喺入面😍有啖啖人蔘清香！◍「人蔘鮑魚雞湯」🐤前排睇完King the Land先見男主角食鮑魚雞湯食得好滋味 估唔到呢度都有得食😍加入咗鮑魚嘅人蔘雞湯味道更香濃 一個唔覺意就清晒😆◍「沙蔘拌飯」🍚最後仲食多個沙蔘拌飯作結☺️本身見有一大堆韓式配菜以為係前菜嚟 點知原來係擺埋喺飯入面一齊食😆將所有配料都攪拌一齊食又真心係正😎📍SUL JIB 술집 (銅鑼灣) #lala_foodie_causew
《水潤人蔘饗宴》$680
◍「韓式前菜、泡菜、糖拌人蔘沙律」🥗
前菜先有多款唔同嘅韓式小食同泡菜 淨係食小食都飽咗一半😆仲試咗第一次嘅人蔘沙律 本身仲驚會好苦 但加埋砂糖一齊食又啱啱好☺️
◍「綜合雜錦煎餅、人蔘牛骨鍋」🐮
韓式煎餅平時食得多 冇諗過呢度嘅煎餅竟然咁特別🤩係直接包住唔同嘅食材嚟煎 感覺有啲似食緊煎釀三寶 但又同時更豐富 每款食材都釀咗唔同嘅餡料🤤
而牛骨鍋都十分精彩 足足有成條完整人蔘喺入面😍有啖啖人蔘清香！
◍「人蔘鮑魚雞湯」🐤
前排睇完King the Land先見男主角食鮑魚雞湯食得好滋味 估唔到呢度都有得食😍加入咗鮑魚嘅人蔘雞湯味道更香濃 一個唔覺意就清晒😆
◍「沙蔘拌飯」🍚
最後仲食多個沙蔘拌飯作結☺️本身見有一大堆韓式配菜以為係前菜嚟 點知原來係擺埋喺飯入面一齊食😆將所有配料都攪拌一齊食又真心係正😎
📍SUL JIB 술집 (銅鑼灣) #lala_foodie_causewaybay
銅鑼灣勿地臣街1號時代廣場13樓1302號舖
张贴
