影片
更多
2017-08-14
140 浏览
今日大雨，但冇阻同老公二大世界。訂左位係16 Shell，安排左窗景，望著雨景，感覺幾浪漫，而且每張枱都訂左位，一陣要試真啲，睇下點解甘好生意。同外國餐廳一樣，一開始叫左餐飲先。熱朱古力，口感幾細滑，而且唔甜，好岩女士。蘋果汁反而有驚喜，濃郁蘋果味，而且唔酸，好開胃。順帶一提，餐廳冇水提供，所有餐飲需要另外叫。頭盤整個白酒檻欖牛油煮蜆，餐廳名叫得Shell，甘食蜆是常識吧！另加左黑炭黑蒜蓉包，不得不提個包，眾所皆知黑蒜健康，所以包有香噴噴既蒜味，而且做到外脆內鬆，點埋蜆汁，更係絕配。蜆肉飽滿多肉，吸收晒白酒既醇，檻欖油既香，欲罷不能。比起清酒煮蜆更勝一籌，可能多左檻欖油香味。主菜叫左無骨雞脾大蝦扁意粉，雞脾同大蝦炸到好香脆，但又保留左雞既肉汁同滑，加少少黑椒吊味，啖啖肉，好滋味。主角意粉加大量炸蒜，感覺似中式撈麵，好新奇另類，濃郁炸蒜香氣充斥成張枱，食落去，卜卜脆炸蒜混合彈牙意粉，意外地合拍，食指大動。意大利辣肉腸比薩批，非傳統圓形，而係正方形，薄薄地，配上芝士，肉腸，一食落去，內裡好多層薄過紙既酥皮，酥脆到一咬，啲皮跌晒，食相少少狼狽，為左美食，冇所謂。呢餐好滿足，唯一缺憾係冇食甜品
同外國餐廳一樣，一開始叫左餐飲先。熱朱古力，口感幾細滑，而且唔甜，好岩女士。蘋果汁反而有驚喜，濃郁蘋果味，而且唔酸，好開胃。順帶一提，餐廳冇水提供，所有餐飲需要另外叫。
頭盤整個白酒檻欖牛油煮蜆，餐廳名叫得Shell，甘食蜆是常識吧！另加左黑炭黑蒜蓉包，不得不提個包，眾所皆知黑蒜健康，所以包有香噴噴既蒜味，而且做到外脆內鬆，點埋蜆汁，更係絕配。蜆肉飽滿多肉，吸收晒白酒既醇，檻欖油既香，欲罷不能。比起清酒煮蜆更勝一籌，可能多左檻欖油香味。
主菜叫左無骨雞脾大蝦扁意粉，雞脾同大蝦炸到好香脆，但又保留左雞既肉汁同滑，加少少黑椒吊味，啖啖肉，好滋味。主角意粉加大量炸蒜，感覺似中式撈麵，好新奇另類，濃郁炸蒜香氣充斥成張枱，食落去，卜卜脆炸蒜混合彈牙意粉，意外地合拍，食指大動。
意大利辣肉腸比薩批，非傳統圓形，而係正方形，薄薄地，配上芝士，肉腸，一食落去，內裡好多層薄過紙既酥皮，酥脆到一咬，啲皮跌晒，食相少少狼狽，為左美食，冇所謂。
呢餐好滿足，唯一缺憾係冇食甜品，恨不得帶多個肚出街。
张贴
