花香 (已結業)

粉紅色純粹係外型，食物質素差，咖喱冇咖喱味，得幾塊質素極差嘅豬肉，咖喱味極淡，完全同飯唔夾。另外嗰個滷水桃膠豬肉比起咖喱只可以叫做正常少少，都係極之淡味，佢面頭啲海苔味道唔似海苔，全部野獨立食都唔可以叫做太差，但將所有嘢加埋之後令到佢極之難食。大家行過千祈唔好食！枱嘅高度都極之奇怪，對一邊櫈來講佢就過分高，對另一邊來講佢就過分矮，咁樣都算係攞到個平衡嘅，但係設計上來講會唔會係兩邊燉嘅高度一樣會比較好呢，張凳坐得唔舒服，硬過條命！山嘅設計並唔係背景，而係佢真係好似山咁凹凹凸凸唔知點樣。第一次要因為間餐廳難食到要比食評。喺尖沙咀其實食呢個並唔貴，但係俾得正常嘅價錢，佢提供返嘅食物質素就就極之低劣，服務就正常...大家真係唔好去食...