小桃園餐廳小廚

叫左味菜牛柳絲炆米，俾佢賣相嚇親，炆米過份乾身，似炒米多啲，唔知落左啲咩調味料，炒出黎一邊紅色，一邊豉油色，好似鴛鴦炒飯咁，唔知想點。

牛柳一塊塊，唔係絲，味菜少。

食落先驚，米粉硬身，完全唔係炆米做法，勁，勁，勁難食。照計呢樣野唔難做，點解會炒成咁，除左冇心機同求其之外，就係好冇心機同好鬼求其，咁既質素，唔會再幫襯。

56蚊唔算平，要一個平平常常既炆米都咁難。真係搵食咁艱難。

呢間野生存到咁耐，係令人有啲意外。