The Cool Cousins Cafe & Noodle Bar

营业中

休息中

嗌左兩個漢堡包，一個係經典美式牛肉漢堡，一個係IC 水牛城炸雞漢堡。•落完單，等左30分鐘先有得食，本身嗰日人唔多，得兩枱客，我就係第二枱客。•兩個包，個包底硬過法包，唔好講用口咬，我用刀切都要用盡全力先切到。•D漢堡排有筋，要咬勁耐，仲要塊漢堡排勁乾，好似食緊湯渣咁，重點係冇牛肉味。中間有塊煙肉定唔係咩嘅肉乾，鹹到好似啪d鹽落口咁。•另一個IC 水牛城炸雞漢堡，一拎上黎，d雪糕都溶左一半，重點都唔係d雪糕，係佢塊炸雞，辣到食完一啖就唔想食第二啖，如果你三哥譚仔食到中辣，你先好嗌黎食。佢塊雞仲要係用雞胸肉炸，本身雞胸肉已經係比較乾身嘅用，佢仲要拎去炸，成件事搞到又乾又鞋口，好似一件麥樂雞放大版咁。•d配菜有薯條，係呢餐唯一正常嘅野，不過茄汁少到一個點，搞到好似茄汁好貴咁，食到呢到已經唔想再問佢拎多d茄汁，淨係想快d走。重點就黎啦，用百幾蚊食一個漢堡，食d咁嘅質素，覺得錢真係易呃。