影片
更多
2019-06-03
435 浏览
HK Diner咁多分店，lunch hour又咁旺，竟然難食又求其，真係估佢唔到...一坐低，發現個位竟然係滴水嘅...作為一間食肆呢方面唔應該鬆懈...叫左個海南雞飯set lunch，先上餐湯同餐包。餐湯係中湯，合掌瓜紅蘿蔔湯，熱辣辣幾清甜，係全個午餐做得最好嘅一樣。中湯唔知點解要跟埋餐包，室溫冇烘過，非常普通。個海南雞飯等左10分鐘至上菜，一睇賣相已知非常求其...雞油飯煮太耐，林晒；說好的海南雞飯三色醬並唔存在，只得一款醬，係睇落似溝「希」左嘅黃芥辣但實際上係薑蓉嘅「新派醬」，最慘係啲雞...「擎」晒成舊啫喱咁，要一手用叉一手用羹至分得返開，冇去骨，多黃油，冇調味，底下啲酸蘿蔔絲謝晒皮好似放左好耐至拎俾客食咁，仲要索晒啲油...；成碟最正常係白菜仔！
一坐低，發現個位竟然係滴水嘅...作為一間食肆呢方面唔應該鬆懈...
叫左個海南雞飯set lunch，先上餐湯同餐包。
餐湯係中湯，合掌瓜紅蘿蔔湯，熱辣辣幾清甜，係全個午餐做得最好嘅一樣。中湯唔知點解要跟埋餐包，室溫冇烘過，非常普通。
個海南雞飯等左10分鐘至上菜，一睇賣相已知非常求其...雞油飯煮太耐，林晒；說好的海南雞飯三色醬並唔存在，只得一款醬，係睇落似溝「希」左嘅黃芥辣但實際上係薑蓉嘅「新派醬」，最慘係啲雞...「擎」晒成舊啫喱咁，要一手用叉一手用羹至分得返開，冇去骨，多黃油，冇調味，底下啲酸蘿蔔絲謝晒皮好似放左好耐至拎俾客食咁，仲要索晒啲油...；成碟最正常係白菜仔！
张贴