小金井日本料理 (已結業)

我同個friend 夜晚七點鐘度到，當時間野好吉，跟本坐唔夠三成座位，咁我同個friend 兩個人，兩個都"咩"袋，諗住坐張四人枱可以放下袋啦，同佢講想坐啲四人枱，心諗佢咁吉，陣間如果多人先轉返二人枱囉，點知個waitress 話兩個人只可以坐二人枱，咁算啦，咪坐囉！我地坐低後就將個袋放左喺隔離枱張chair 度，食左無耐，有一pair 情侶入黎食，個waitress 竟然叫我地拎開個袋，讓返張枱出黎，咁我地即時O 咀啦，因為當時間野仲有好多張二人同四人枱都係吉既，有乜理由專登叫我地讓張枱出黎。正想同個waitress 講之際，啲野食黎喇，咁食野先啦，因為當時其實我同個friend 都好肚餓，點知...我地叫左三文魚、鰻魚、蟹柳壽司等等啦，靜係得蟹柳壽司係ok 既，其他都好難食，好唔新鮮，另外仲叫左個豚肉鍋，$68 個，得丁屎咁多，正一又貴又難食。我發誓以後都唔會再去呢間野。