星洲名廚 (已結業)

以前都食過幾次，每一款餐都係越黎越難食，樓面阿姐既服務態度更加係世界級既惡劣，永遠唔會再幫襯，費事貼錢買難受。🙄咖哩牛腩飯 ：啲咖哩稀到好似水咁，食落一啲咖哩味都無，成碗牛腩夾雜左勁多肥膏，啲白飯凍到好似冷飯咁，完全唔值咁貴，普遍茶記同快餐店都有水準過佢。豬頸肉叻沙：湯底一啲應有既南洋風味都無，每一啖啲香料渣多到非常影響口感，神奇地見到咁多香料渣，但個湯底又係超級淡，食完仲會好口渴。飲品：試過所有熱飲，無論係熱檸茶、拉茶、咖啡，全部都係白滾水黎，一啲味都無，仲係攝氏100度嗰個，就算杯熱飲放左成餐飯時間，都會辣傷咀。講到服務態度，樓面阿姐就算勁得閒都好，都唔會幫你落單，扮見你唔到。到終於落到單，漏單一定係永恆既定律，樓面阿姐一句唔好意思都唔會講。阿姐同收銀老闆娘態度惡劣到，覺得催單係客人錯，唔催更加係客人自己問題，老馮覺得你俾錢買嘢食，錢一定照俾，但野食/野飲唔一定要俾你食，世界級邏輯。明明叫熱檸茶，老屈你幾次係叫凍檸茶，阿姐落錯單，廚房做錯嘢，錯誤差額永遠係客人買單。收銀仲會成日偷偷地將你張單變貴，借啲依收貴你，唔檢查清楚張單都唔知會俾多左幾多冤枉錢。💸成間餐廳同服務，兩個字，垃圾。