Infiniti C By October (已結業)

突然好想食Canele，於是喺外賣平台叫外賣。幅圖有3粒，$52. 以為好抵，叫左兩份。送到黎，原來得兩粒。比幅圖誤導都唔緊要，最緊要好食。 拎上手係凍的，似係冰櫃拎出黎。見到個形狀咁唔靚，成個比薩斜塔咁，都冇乜期望。於是拎去焗。平時有喺IG shop買開，通常都有個instruction。跟返都係180度焗15分鐘。焗完出去，稔到好似麵包布丁咁。咬落去一pat野，都算啦，中間咩事？啲蜂巢呢？我以為自己焗錯左，於是食未焗嗰粒。起碼摸落去唔係軟稔稔的。重衰。原來個外層只是冰左所以硬，唔係脆。食落去一陣雪藏味，難食到吐返出黎。中間都是成舊野合為一體，一個窿都見唔到，都唔好講咩蜂巢。不過就都有啲雲尼拿味嘅。好想打去問下呢兩粒野其實喺冰櫃放左幾耐，同埋佢地係咪有獨門秘笈去焗返再serve比人。呢粒係我食過最貴嘅canele, 但每粒咬左一半就掉左。