影片
更多
2012-09-06
17 浏览
呢間餐廳其實第一次來食已經覺得啲嘢食唔好食，但是都來食咗三次。點解？？除咗因為工作關系經常來將軍澳午飯，都諗住俾多一兩次機會佢，試吓餐牌其他的食物，睇吓會不會唔同。可惜的是一次食完比一次失望，三次之後，決定以後都不會再光顧這間餐廳！第一次來吃係因為睇到雜誌介紹話呢間係將軍澳新開張的正宗日式料理同抹茶專門店，食物相片相當吸引，所以前往將軍澳工作嘅午飯時間就趕往呢間抹茶屋點咗個薑燒豚肉井餐。薑燒豚肉井是我喜歡的日式井物之一，在其他日式餐廳都食過無數次咁多，但是咁難食的薑燒豚肉飯是第一次食！！侍應送上食物時，當我睇到個薑燒豚肉飯個一刻，我已經知道唔對路，個薑燒豚肉飯睇落乾掙掙，白saisai咁，完全唔似有用薑燒汁來煮過。 同佢餐牌上的相片極有出入。餐牌裏邊的薑燒豚肉井顏色深啡色肉質光滑好吸引， 點解可以相差咁遠？! 食落果然係淡而無味嘅。不但止咁，啲所謂豚肉亦唔係豚肉，只係普通豬肉切薄咗來充當豚肉咋，肉質十分乾同硬，嚼到我牙胶有點累。其實都不想再食落去，但是HKD60+一餐晏唔算平，所以逼住自已食咗半碟就放棄。對這間抹茶屋其實都已經失去興趣，但是有日老公來接我放工，佢話想試吓呢間餐廳因為新開
第一次來吃係因為睇到雜誌介紹話呢間係將軍澳新開張的正宗日式料理同抹茶專門店，食物相片相當吸引，所以前往將軍澳工作嘅午飯時間就趕往呢間抹茶屋點咗個薑燒豚肉井餐。薑燒豚肉井是我喜歡的日式井物之一，在其他日式餐廳都食過無數次咁多，但是咁難食的薑燒豚肉飯是第一次食！！
侍應送上食物時，當我睇到個薑燒豚肉飯個一刻，我已經知道唔對路，個薑燒豚肉飯睇落乾掙掙，白saisai咁，完全唔似有用薑燒汁來煮過。 同佢餐牌上的相片極有出入。餐牌裏邊的薑燒豚肉井顏色深啡色肉質光滑好吸引， 點解可以相差咁遠？! 食落果然係淡而無味嘅。不但止咁，啲所謂豚肉亦唔係豚肉，只係普通豬肉切薄咗來充當豚肉咋，肉質十分乾同硬，嚼到我牙胶有點累。其實都不想再食落去，但是HKD60+一餐晏唔算平，所以逼住自已食咗半碟就放棄。對這間抹茶屋其實都已經失去興趣，但是有日老公來接我放工，佢話想試吓呢間餐廳因為新開張佢未試過，我已經話過佢知間嘢食唔掟，但是佢話可以試吓其他餐牌上的食物。既然老公想試，咁就即管試多次餐牌上其他食物，俾多次機會人哋都是啱嘅！
今次我叫咗個番茄鴨胸意粉，老公就叫個燒雞綠茶湯麵，諗住可能無佢啲井飯咁難食掛，結果都是失望而回。
個番茄鴨胸意粉盛上時賣相求其，成個意粉則埋碟嘅一邊。啲意粉係茶餐廳貨色，麵條粗粗仲要煮到濕淋淋，難食不特止，食落啲鴨肉仲要係騷嘅，啲意粉煮到濕淋淋我都算，啲鴨肉仲要係勁騷，呢樣我接受唔到，老公唯有同我調轉俾咗佢嘅燒雞綠茶湯麵我食，而佢就硬啃咗我個碟勁騷鴨胸意粉。
老公個碟燒雞綠茶湯麵都係無乜味道，啲燒雞都只係普通中式燒雞，完全無日式風味，平平無奇，但總算食得落口，唔至於個個鴨胸意粉咁難食。因為呢間餐廳標榜佢哋係抹茶專門店， 所以先前都叫落個綠茶蛋卷試試乜味。賣相都算可以，但是食落又唔覺有乜特別，啲綠茶味仲苦苦地，都唔知要唔要相信佢啲綠茶係來之京都宇治的產品。
其實試咗兩次都不好食，不應該有第三次，點知有日工作又到將軍澳呢個商場，午飯時間見間間餐廳都暴滿嗮，我又趕時間來緊有會要開，唯獨係呢間抹茶屋有位唔使等，就膽粗粗走入去食多次，是但點咗個親子井飯，結果扒咗唔夠兩啖就棄之唔食了！！！點解呢？？因為我真係未食過咁難食嘅食物。
親子井呢樣日式料理我係屋企都周不時整，因為好簡單易做又好味，除了用炸雞同雞蛋，啲飯汁會用豉油，糖之類嘅調味品，最重要係要落日本味醂同海鮮素，呢個係親子井飯嘅精髓所在。
好明顯呢間餐廳為咗慳皮係無用到呢兩樣日式調味料來整親子井嘅，因為食落跟本唔係個回事，成碟嘢亦淡茂茂，啲雞肉仲離譜，只係用啲雪藏雞未經完全解凍就撈埋啲蛋一齊煮，煮到啲雞肉好似唔係好熟仲一噠噠暗紅暗黑咁，食落啲雞肉仲有陣好不新鮮嘅味道，成碟嘢睇落去仲有少少似嘔吐物，你叫我點再食得落？唯有餓住個肚都算罷啦匆匆埋單走人！
呢次已經係極限，下次就算其他餐廳full嗮揾唔到地坊食嘢都好，我寧願捱麵包都唔會食佢！呢間餐廳打正旗號做日式料理，但是啲嘢食既無日式味道，食物素質同味道都同屬劣質，價錢又偏偏唔平，仲貴過好多中價的日式餐廳，下次遇著啲咁嘅餐廳，試過一次就夠，都唔好話再試第二次！
张贴
