老川皇

营业中

休息中

老遠行到過嚟歐美廣場，本身想食樓下嗰間小甜甜，點知冇開就上咗嚟老川皇。 lunch完全唔使等位，食完就知點解冇咩人， 環境係幾闊落，但係地下污糟邋遢，檯面油淋淋， 未食都先扣分。 檯面有個午餐餐牌，問佢仲有冇其他餐牌，都好似唔想攞過嚟咁。我地三個人叫咗兩個主菜兩個小食。兩款小食揀咗涼拌海同帶泡椒雞腎， 雞腎有陣怪味， 海帶就超級油。鮮花椒水煮魚 $138/斤食過咁多間水煮魚，呢間都可以算係差，水煮魚片份量唔多，完全冇魚味， d魚全部都有骨， 唔知唔新鮮定切得太薄，啲魚一夾就散。 水煮魚入面嘅配菜係只有芽菜，係冇薯粉嘅，講真又唔係好平，完全冇質素。干鍋肥腸 $90好彩個干鍋肥腸都算好食，送飯都幾惹味，肥腸份量正常，唔會有異味。如果你本身都想嚟食樓下嗰間點知冇開千祈唔好食老川皇，無服務可言，點完菜之後加單叫可樂同加碗飯，啲阿姐都可以黑口黑面， 好似我阻住佢咁，環境污糟邋遢、嘢食又差。永世都唔會再食任何一間老川皇。