影片
更多
2015-07-11
5593 浏览
是日同家人再嚟到馬會會員餐廳進餐，幾乎每年都會嚟一次 今次選擇午膳，歎茶食一盅兩件。點心叫咗啲大路嘅燒賣，春卷等，味道ok。鹹點我最鍾意鮑魚雞粒酥，夠熱辣辣又鬆脆，面有幾粒細細切粒鮑魚，都算足料，不過醬汁可能太香濃搶咗啲鮑魚味。。另外义燒餐包焗得好香，夠鬆軟，賣相亦吸引。淨係點心似乎未必夠飽，於是我哋叫碟蛋白瑤柱炒飯，份量足夠大碟，唔會太重鑊氣，瑤柱同蟹肉亦豐富，物有所值。值得一提嘅係壓軸甜品，尤其係極其大舊高身嘅馬拉糕，外型十足十圓頂建築物嘅設計，每份都份量十足，味道偏甜，質地鬆軟，食一件已經飽晒 (但又未去到滯嘅程度)。杞子桂花糕就係三款甜點入面我最鍾意嘅，賣相討好晶瑩剔透，桂花清香，甜度恰到好處，杞子亦增添層次感。至於流沙奶皇煎堆仔就有啲名不副實，因為唔夠流不過煎堆皮都好煙韌，奶皇亦夠甜，都幾好食。其實馬會嘅食物同出面比冇咩特別，最好食係環境: 望住出面廣闊綠草如茵嘅馬場，心情都靚啲 (尤其今日天色甚佳) 真係多謝波士好介紹haha ~
點心叫咗啲大路嘅燒賣，春卷等，味道ok。鹹點我最鍾意鮑魚雞粒酥，夠熱辣辣又鬆脆，面有幾粒細細切粒鮑魚，都算足料，不過醬汁可能太香濃搶咗啲鮑魚味。。另外义燒餐包焗得好香，夠鬆軟，賣相亦吸引。
淨係點心似乎未必夠飽，於是我哋叫碟蛋白瑤柱炒飯，份量足夠大碟，唔會太重鑊氣，瑤柱同蟹肉亦豐富，物有所值。
值得一提嘅係壓軸甜品，尤其係極其大舊高身嘅馬拉糕，外型十足十圓頂建築物嘅設計，每份都份量十足，味道偏甜，質地鬆軟，食一件已經飽晒 (但又未去到滯嘅程度)。
杞子桂花糕就係三款甜點入面我最鍾意嘅，賣相討好晶瑩剔透，桂花清香，甜度恰到好處，杞子亦增添層次感。至於流沙奶皇煎堆仔就有啲名不副實，因為唔夠流不過煎堆皮都好煙韌，奶皇亦夠甜，都幾好食。
其實馬會嘅食物同出面比冇咩特別，最好食係環境: 望住出面廣闊綠草如茵嘅馬場，心情都靚啲 (尤其今日天色甚佳) 真係多謝波士好介紹haha ~
张贴
