響 - Hibiki 日本燒肉 (已結業)

自從上次來過之後，一直念念不忘，諗起高級的燒肉放題，總會諗起響。門面已經好令人期待。闊落舒適的座位上，係擺放整齊的餐具，同埋多種不同口味的醬料。出面熱辣辣，先去雪櫃揀杯冰凍飲品。再來一杯熱茶，三款茶包都各有特色。朋友仔係識飲之人，佢就去咗揀選配襯唔同燒肉的美酒。我就負責睇吓當晚的各種美食。再點個冰涼的螺肉開開胃。說時遲那時快，新鮮又豐富的刺身拼盤已經呈上。刺身好有光澤，而海膽係新鮮的金黃色，油甘魚又夠晒肥美。至於海鮮拼盤，今晚一樣有我最愛的喜之次。鮑魚同翡翠螺都好吸睛。先將海鮮輕燒，再加入清酒，可以令到海鮮的鮮味更加突出。鮑魚夠晒厚肉，翡翠螺就彈牙有鮮味。新鮮蝦有成隻手掌咁大，而幾款蔬菜都幾fresh。至於肉類，同樣咁有睇頭，頭盤當中已經有齊最受歡迎的八款肉類。可以先淺嘗，再追加自己最喜歡的味道。雞肉腸表面燒得脆脆，有點像台灣香腸的味道，好惹味。燒喜之次就能夠迫出豐富的魚油，夠晒養顏。至於牛肉，高級的和牛當然唔會令到我哋失望啦！牛肉的脂油十足，而且味道好濃郁，我哋都忍唔住encore。除咗刺身、海鮮、燒肉外，店內亦都有熟食無限量供應。值得一讚的是，天婦羅都好出色，香脆得來冇油臆味，絕對