梨滿園韓國料理 (已結業)

因為係旺角返part-time的關係，成日跟同事去附近食野但最難忘既同埋放假都要特登走出去食既 莫過於 「梨滿園」店員個個都好好人，雖然佢地好忙(特別係午市)，但都會盡力滿足客人要求!鋪頭都幾大下 有兩邊 仲坐得好舒適店鋪會有小菜(香港比較少韓國餐廳會有，仲要係午市有)特別推介南瓜同蘿蔔南瓜好甜又溶溶地真係好正 蘿蔔係白蘿蔔絲 酸酸甜甜 配埋落個飯到真係好正 係呢到介紹大家我覺得店內 最最最最最最最好食既野就係雞肉粉絲湯!呢個湯濃得嚟又有少少辣(唔係辣粉個隻，係蒜頭既辣味)入面仲有大量配料 e.g雞 大蔥 菇 粉絲 etc.加埋個飯真係岩岩好 好好味!佢地下晝會有個餐牌寫住星期一係咩餐 星期二係咩餐 星期三係咩餐 etc 但其實可以唔洗理個日子~~中意食咩就叫不過有時佢個湯濃度會唔夠 如果已經預左係會食濃味少少可以同佢講聲(不過我通常唔會)順帶一提，佢地既飲品其實好一般奶茶咖啡冇乜味 有時仲冇咖啡添!所以其實熱檸水會最安全 如果可以改善埋就好!!同埋食完會幾大油煙味下 不過為左食就冇計啦姐姐如果有時好忙會漏單或者落錯野，希望大家可以體諒下佢地因為服務行業真係好辛苦!