Takka Fusion Japanese Cuisine (已結業)

以前係西貢返工，出外食lunch食咩呢? 大家都會話︰不如去Takka啦！咁耐無嚟西貢，今日就嚟愐懷一下啦！Takka搬咗去西貢沙咀街後，地方比起之前闊落咗少少。我地鍾意食Takka，因為佢地嘅menu多樣化，可以揀定食、丼飯或者拉麵。我地通常都會揀定食，因為一個定食套餐已經有麵豉湯、沙律、飯、日式壽司及飲品，非常豐富。今日叫了一碟Takka汁燒漢堡扒定食，沙律依然係好新鮮味道好fresh，漢堡扒肉汁鮮嫩好易入口。仲有三文魚壽司+蟹籽壽司，食完真係好滿足！咪以為lunch只係得咁！以前食lunch後店員都會問我地食唔食雪糕，佢呢個傳統仲繼續緊，今日嘅甜品係—雪糕糯米糍，真係好正！