樂園 (已搬遷) 新店位置

一直想試呢間樂園好耐，就襯住生日試下呢間cafe，餐廳裝修好有氣氛，空間寬敞舒適。Cafe擺放左好多board game俾我地玩仲有我最中意既貓呀，就係為左佢地而黎😍講講野食先，我地3個人每人叫1左個主菜，同1個小食拼盤share，每人仲加左$15蚊叫飲品我就叫左杯蜜桃紅茶，蜜桃同茶味既比例岩岩好，好中意虎蝦蕃茄意粉，意粉裏面有好多蕃茄蓉，酸酸甜甜幾好味，而且虎蝦煎得岩岩好，好大舊蝦肉，好彈牙黑松露鵝肝意大利飯:意大利飯煮得岩岩好，口感煙韌，仲有蘑菇係裡面😍黑松露味好出!鵝肝煎得好香~燒豬仔骨，肉質好林!點埋bbq醬一流小食拼盤，我地揀左燒帆立貝、餃子、明太子泡菜釀雞翼，個人最中意帆立貝，味道好鮮甜。雞翼同埋餃子味道都唔錯食到差唔多已經好飽，估唔到仲有甜品送，怪獸雪糕，份量超大，好多球雪糕、生果、棉花糖同威化餅，食完超級滿足。店員仲會幫我地同個雪糕影相，態度超友善。呢餐食得好開心，下次一定會再嚟。