影片
更多
2017-05-12
163 浏览
自從地鐵通車後，中西區變天。唔係講笑，雖然我之前喺西環讀咗五年書，但第一、第二、第三街果啲地方根本唔會有特別舖頭（除咗一間賣雞蛋卷嘅之外），因為通常只會用水街、西邊街、正街、山道之類行上行落，更加唔好話有野食... 所以咁啱呢日喺西環，拗哂頭唔知食好就用OPENRICE睇下啦，嘩乜原來西環多咗咁多野食我係完全唔知嘅。排喺第一位嘅就喺阿元，雖然要喺電車路喺西邊街長命斜咁行上去第三街，但又好耐冇食過台灣野所以就算攰都爬上黎試試。去到門口七點半左右，有大概十個人喺我哋前面，被安排去企到對面街等位。好彩呢個時間附近啲舖頭閂哂門，如果日頭都有咁多人就有可能阻到隔離舖頭喇。喺等緊嘅時候店員會俾埋張餐單客人落order，我哋就剔咗魯肉飯、焢肉飯、塩酥雞同兩杯野飲（分別係珍珠奶茶同咖啡磚奶茶）我哋等咗大概半個鐘左右就被安排坐喺正正門口的位置，平時照常理女友係唔鍾意坐門口，但見間鋪頭細細間，坐門口反而相對鬆動啲仲好。等緊野食果陣見到牆上貼咗張紙，寫住「用餐時間為若30分鐘」我心諗，都要食得幾急喎… 之後有另外兩個客人同我哋share張細枱，想轉個身都好辛苦。先黎塩酥雞：幾入味之餘炸粉好薄，唔會淨係得啲炸
去到門口七點半左右，有大概十個人喺我哋前面，被安排去企到對面街等位。好彩呢個時間附近啲舖頭閂哂門，如果日頭都有咁多人就有可能阻到隔離舖頭喇。喺等緊嘅時候店員會俾埋張餐單客人落order，我哋就剔咗魯肉飯、焢肉飯、塩酥雞同兩杯野飲（分別係珍珠奶茶同咖啡磚奶茶）
我哋等咗大概半個鐘左右就被安排坐喺正正門口的位置，平時照常理女友係唔鍾意坐門口，但見間鋪頭細細間，坐門口反而相對鬆動啲仲好。
等緊野食果陣見到牆上貼咗張紙，寫住「用餐時間為若30分鐘」我心諗，都要食得幾急喎… 之後有另外兩個客人同我哋share張細枱，想轉個身都好辛苦。
先黎塩酥雞：幾入味之餘炸粉好薄，唔會淨係得啲炸粉，但肉汁唔多仲有少少乾。
再黎係魯肉飯同焢肉飯：兩碗飯望落去細細碗但啲肉同飯滿滿咁就黎滿瀉，而且個份量好似比台北夜市大。
魯肉飯上有兩片菜脯（蘿蔔乾）同埋一大堆半肥瘦五花肉，而我話半肥瘦其實係肥多瘦少，啲米就喺好索汁嘅珍珠米。啲滷水汁比想像中甜，但我哋好甜多過鹹，而且每粒魯肉大小適中，仲要入口即溶，送飯一絕！難怪咁多好評讚阿元嘅魯肉飯啦。
焢肉飯個賣相冇咁有震撼性，兩舊半肥瘦五花腩，一樣用上珍珠米，比較似香港人食開嘅滷水豬肉咁，菜脯係酸薑。本來覺得焢肉飯比魯肉飯冇咁肥，點知寶物尋歸底，俾我搵到一羹豬油喺碗底，嚇死我…… 為免大驚小怪，女友同我一齊隔咗啲油落隻羹度。但齋講味道嘅話其實幾香口，冇魯肉飯咁甜，比較啱我口味 。
杯珍珠奶茶同咖啡磚奶茶都叫咗少甜少冰，茶味幾突出而又唔會太甜；個人認為咖啡磚奶茶個味道夾啲而且冇珍珠咁飽。
之後後加咗一碗凍嘅九份芋圓… 因為之前一月份去九份食嘅係熱嘅芋圓，所以覺得阿元嘅比較甜，好重糖膠味。雖然芋圓幾Q，但如果冇咁甜我會接受到。
其實真係唔怪之得咁多人推薦魯肉飯，食完幾日個腦都會無啦啦諗起碗飯… 鑑於碗飯都幾高熱量，我諗我都係一、兩個月黎食一碗啦～
17 浏览
0 赞好
0 留言
21 浏览
0 赞好
0 留言
24 浏览
0 赞好
0 留言
13 浏览
0 赞好
0 留言
32 浏览
0 赞好
0 留言
张贴
