影片
更多
2018-11-08
64 浏览
經過佐敦，見呢這間新開的日本餐廳裝修是比較高貴的日本風就入咗去試。入到去服務員和師傅都好有心介紹佢地的餐牌，因為新開的關係，所以餐牌都可能會有點變化，但都有好多選擇。選擇困難症的我，最後選擇師傅推介了廚師發辦。無酒不歡的我，首先點了一個fruit garden cocktail，係peach with strawberry milk，比較fruity和甜。師傅首先俾咗一啲漬物我食，一邊食一邊等前菜。柚子蘿蔔和牛蒡係佢地自己醃，酸甜開胃。前菜分別係水雲，芝麻豆腐，廣島蠔。水雲係浸了醋的海藻，酸甜爽口。芝麻豆腐非常creamy，好重芝麻味。師傅話佢地係磨的時候加入芝麻一齊磨，所以咁濃味好好食。廣島蠔新鮮，入口有淡淡的海水味。之後到水八爪。先吃白色肌肉位，爽口加上微微的海鹽帶岀鮮味。紅色吸管位，非常有嚼口，好似食緊雞軟骨，深信只有新鮮的八爪魚才做到。然後到羽太。有生熟兩吃配上醋，魚鮮味重，有咬口。中toro卷配上紫蘇葉，入口即溶，紫蘇葉中和膩度，好味。海膽蒸蛋用了日本蛋，蛋味不算太濃。海膽鮮甜，熱熱地暖暖肚。之後開始壽司環節。先說一下漬物配菜，師傅今次俾我試了醃苦瓜。我本身不太接受到苦瓜味。
入到去服務員和師傅都好有心介紹佢地的餐牌，因為新開的關係，所以餐牌都可能會有點變化，但都有好多選擇。選擇困難症的我，最後選擇師傅推介了廚師發辦。
無酒不歡的我，首先點了一個fruit garden cocktail，係peach with strawberry milk，比較fruity和甜。
師傅首先俾咗一啲漬物我食，一邊食一邊等前菜。柚子蘿蔔和牛蒡係佢地自己醃，酸甜開胃。
前菜分別係水雲，芝麻豆腐，廣島蠔。
水雲係浸了醋的海藻，酸甜爽口。芝麻豆腐非常creamy，好重芝麻味。師傅話佢地係磨的時候加入芝麻一齊磨，所以咁濃味好好食。廣島蠔新鮮，入口有淡淡的海水味。
之後到水八爪。先吃白色肌肉位，爽口加上微微的海鹽帶岀鮮味。紅色吸管位，非常有嚼口，好似食緊雞軟骨，深信只有新鮮的八爪魚才做到。
然後到羽太。有生熟兩吃配上醋，魚鮮味重，有咬口。
中toro卷配上紫蘇葉，入口即溶，紫蘇葉中和膩度，好味。
海膽蒸蛋用了日本蛋，蛋味不算太濃。海膽鮮甜，熱熱地暖暖肚。
之後開始壽司環節。先說一下漬物配菜，師傅今次俾我試了醃苦瓜。我本身不太接受到苦瓜味。但呢個醃苦瓜入口先酸咸，嘴嚼一回先有苦瓜的甘味，不錯。
花竹蝦即開即切，非常爽口。
赤貝嚼口十足。
池魚加上柚子，鮮中帶甜。
沙甸魚完全沒有腥味，入口即化。
秋刀魚外型同味道都十分吸引。
之後送上木魚高湯飯，味道酸酸，湯較厚身，葱有少許柚子味，適合過度壽司的膩感。
大toro壽司比較有筯度有咬口，一吃溶入飯中。北海道馬糞海膽鮮甜，比較清新。
熟食一點都不求奇。炸物隻蝦都非常大和爽口。
海饅係佢地自己養自己即切即燒。所以海饅皮都係非常嚼勁，小啲牙力都唔得。配上緣茶鹽驚喜滿分。
最後以蛤蜊清湯和烏冬將主食畫上句號。當時的我，其實已經十分飽。
甜品係一個gluten free蛋糕盒仔配雪糕。雪糕選了黑糖，好重黑糖味，不會死甜，好好食。
廚師發辦除了係食食物，更重要係廚師的心。一道菜的靈魂，在於廚師的心機能夠傳達到幾多俾個食客。
雖然新開的餐廳餐牌可能還會有美中不足的地方，但係我卻能夠看到師傅同員工有幹勁的心是最重要的。
個日見到旁邊點了壽喜燒，非常香，下次一定要試試。
张贴
