浦和日本料理

营业中

休息中

禮拜日老虎牛一原本好地地嘅假期俾佢老細一個電話幻滅了、唯有接老婆大人收工跟手再去食飯飯慶祝啦、會合後唸住找間靜少少嘅餐廳、係上環地鐵站側有間曰本放題心唸靜靜地啱嘞、點知一落樓梯地庫就知出事了、嘩、全場爆滿、正當想轉身撤退嘅時候、俾個大漢一手拉住我十分熱情地詢問我們是否兩位併立刻帶我們兩到一四人座位的卡位、咁嘅情況大人冇咩意見咪照食囉、$198一位夾埋都唔使五舊、大漢再埋枱嘅時候簡單講解收費及遊戲規則、我見人緊係叫佢一聲經理啦、咁都俾我開口中、仲唔問吓佢做緊咩優惠先、經理話送個餐牌冇嘅刺身拼盤咁話喎、我緊係打蛇隨棍上啦我問生日有冇着數他連聲說道有有有、嘢食不過不失、環境屬傳統裝修叫做整齊啦、食到尾聲本身已經唔係好光嘅燈光都突然間熄埋、唔係停電吖、、一秒後經理拿着盛滿甜點嘅雪糕船來到我們面前、生日歌聲此起彼落、我兩公婆結婚二十年都未試過成百人同我們慶祝、開心到大人見牙唔見眼、當然緊係最主要我送俾佢嘅生日禮物600D啦。