K Square 4 Restaurant and Bar (已結業)

朋友約食飯，呢晚黎左K Square。餐廳佈置花心思，暗暗地幾有情調。是夜食左：忌廉湯：忌廉味濃，口味濃郁。三文魚蛋沙律：沙律材料不欺埸，作為溏心蛋痴，呢度個溏心蛋蛋白彈牙，溏心蛋黃喺舌面溶化嘅感覺真係超幸福；煙三文魚大大塊，唔孤寒，蔬菜亦新鮮。雞亦拼炸薯條：味道不錯。燒牛扒：香濃牛味，肉汁豐盈，有咬口但不會「刃」。火焰「燒」春雞：成隻春雞上枱點火即燒，(即係火焰雪山d friend）火焰氣勢澎湃，即係食個勢都夠。芝士餅：女士都有個甜品胃，點可以唔食埋甜品。呢度個芝士餅creamy得黎唔太heavy，平凡中見精彩。位置旺中帶靜，幾就腳，為左個火焰雞同溏心蛋，遲下要再食多次。