更多
2021-07-14
4217 浏览
生日最期待之一系文华嘅自助晚餐，今日系介绍「海鲜主食篇🦞」，记得密切期待听日嘅「甜品篇🍰」~名牌五星级酒店嘅自助餐价钱高，自然期望都高，幸好今次Staycation package大约$3000包海景房、双人自助早餐同自助晚餐，悭家妹平时一定唔舍得食🙈.讲返餐厅先，位于酒店大堂上层⬆️，可以透过中庭望到大堂沙发位，部份较远座位会贴近商店，最好就坐得近食物枱🦀，今次安排喺甜品自助吧隔离（觉得有原因，迟啲开估）。自助晚餐限时105分钟，入到餐厅就感受到职员有礼待人嘅态度，服务100分✨！行完一转自助区，觉得文华自助餐比较侧重喺甜品方面，因为单系甜品同雪糕已经有五个甜品柜，有唔同款式嘅冻热甜品同朱古力🍫~建议大家如果想食甜品都要早啲拎⚠️！因为去到自助餐后期未必款款都有refill，错过咗就好似我咁样含泪而去啦！甜品整体唔算令人失望，某几款做得唔错————————————————👅「龙虾·鲍鱼·生蚝」海鲜自助晚餐(成人$748/位)🔸海鲜类：👍🏻埋位坐低会上一份4只嘅生蚝🦪，同侍应姐姐讲就会refill俾你，虽然细细只同有啲比较饱满，一开始食都几鲜甜，食到后面感觉质素无之前好😲，有少许蚝壳，两个
.
讲返餐厅先，位于酒店大堂上层⬆️，可以透过中庭望到大堂沙发位，部份较远座位会贴近商店，最好就坐得近食物枱🦀，今次安排喺甜品自助吧隔离（觉得有原因，迟啲开估）。自助晚餐限时105分钟，入到餐厅就感受到职员有礼待人嘅态度，服务100分✨！
行完一转自助区，觉得文华自助餐比较侧重喺甜品方面，因为单系甜品同雪糕已经有五个甜品柜，有唔同款式嘅冻热甜品同朱古力🍫~建议大家如果想食甜品都要早啲拎⚠️！因为去到自助餐后期未必款款都有refill，错过咗就好似我咁样含泪而去啦！甜品整体唔算令人失望，某几款做得唔错
————————————————
👅「龙虾·鲍鱼·生蚝」海鲜自助晚餐(成人$748/位)
🔸海鲜类：
👍🏻埋位坐低会上一份4只嘅生蚝🦪，同侍应姐姐讲就会refill俾你，虽然细细只同有啲比较饱满，一开始食都几鲜甜，食到后面感觉质素无之前好😲，有少许蚝壳，两个人食返两打已经好叻喇！
👍🏻鲍鱼同翡翠螺几爽弹😙，冻海鲜都食到甜味，而且清洗去沙几干净，大大只去好壳嘅虾仁还可以，胜在一啖一只够方便
👎🏻青口一般，三点蟹太麻烦冇食到，反而回本位龙虾几令人失望😞，对边开望落有一只已经灰灰地色，食落肉质有啲似擦胶咬唔开，龙虾味流失，龙虾钳鲜味好少少，有破开壳方便食用，我哋一人食左两只都无再食⋯
👎🏻刺身唔够肥美同感觉有少少霉，同样拎左一碟无回头
🔸烧烤档：
👍🏻食肉兽天堂🍖！Prime ribs同羊柳嫩红色好吸引，唔会有过多血水，又可以享受到浓郁肉味，咁啱我拎𠮶件牛就多少少肥膏🥩，几钟意佢哋加咗香草嘅酱汁，如果加返个牌标明系咩酱汁就更好
🔸熟食类：
👍🏻 XO酱杂菜炒带子几惹味🌶，带子熟度刚好
👍🏻森巴酱炒豆角同样浓郁重味，豆角干煸过更加入味有口感
👎🏻专系有一个摊档放海南鸡同油饭，有啲浪费左个位，因为感觉熟食唔够多选择😕，放多啲不同菜式会更好。海南鸡可能好受欢迎，长期都俾人夹剩晒，好难得夹到一件鸡髀肉试一试，尚算嫩滑
👎🏻所有菜式种类嘅熟食只有10几款，比预期中少，而且熟食分布得较散，要行多两转先知有咩食。熟海鲜同肉类都有啲过火干身，整体质素较一般，觉得文华嘅自助餐重点唔系放喺熟食类
🔸饮品：
👍🏻包咗餐饮任饮，叫咗热柠茶同热奶茶，估唔到系分开柠檬片同茶壶上🫖，仲有一个银色茶隔隔住茶渣，成件事高级咗又有下午茶feel，几讨我欢心
🔸其他：
面包、沙律、寿司档按你唔系自助餐回本位，望落去普通唔算吸引，亦都唔想嘥咗肚嘅容量，所以skip~~
🔸甜品类：
👍🏻男朋友一直讲1963文华芝士蛋糕好出名，buffet居然有得任食，一开始系原个圆形蛋糕切件上，之后居然系一件件加蓝莓酱🫐，J生话圆形嘅重味啲好食啲，等咗好耐一直冇上返，好可惜无试到😢，不过味道质感符合预期，芝士浓度拿捏得唔错，食到芝士味又唔会好似咬紧一旧cream cheese咁
👍🏻抹茶/双重朱古力芝士蛋糕都唔错，应有嘅抹茶同朱古力味都够浓郁🍰，上面仲有好靓嘅文华logo朱古力，系好味嘅真朱古力，唔系𠮶阵好假好甜嘅假朱古力味
👍🏻柠檬蛋白挞一啖一粒，顶层蛋白霜好轻盈，钟意食到酸到好爽嘅柠檬味🍋，会瞇埋眼嘅感觉，算系几解腻嘅甜品
👍🏻斑兰法式炖蛋有惊喜，Cream Brûlée一直都系my favourite，一开始无为意到系斑兰味🍃，一食觉得比平时甜腻嘅味道更fresh，焦糖面保持脆度，又系好可惜想食多一个已经冇晒啦！
👍🏻意大利芝士蛋糕用迷你咖啡杯装☕️，感觉好的骰得意，味道算OK，不过觉得蛋糕吸得太多咖啡淋晒
👍🏻焦糖香草奶油望落就好似焦糖布甸，食落质感系好水润嘅布甸浆，唔系动L布甸口感🍮，好似食惯咗都系觉得焦糖布甸正啲，不过味道都唔错嘅
👍🏻如果系朱古力同熟香蕉嘅fans🍌，朱古力香蕉挞应该系你嘅心水，两种重味道有冲击感又几balance
👎🏻绿茶慕丝同冧酒啫喱相对麻麻哋🥃，起码冇食晒一杯
👎🏻甜品点少得雪糕，不过有少少失望，接近餐厅闩门得返四款口味🍨，云呢拿同绿茶雪糕好似有少少乳酪嘅酸味，红莓同杏脯雪葩又酸咗啲，唔系令人食完想再食嘅雪糕，可惜无试到朱古力同焙茶味
————————————————
🚩总结：难忘嘅生日晚餐🌹
————————————————
🌟注意：正价另收加一服务费
————————————————
📍 快船廊
地址：中环干诺道中5号香港文华东方酒店阁楼
.
🗺地区：#bem中环
📥分类：#bem自助餐
💰人均消费：#bem_401至800蚊
张贴
