祥香茶餐廳 (已結業)

今日諗住同女朋友喺西環食個lunch住在西環廿年都未食過祥香，又知佢攞奬，就去試下啦唔試尤自可，試左把鬼火入到去坐左喺d卡枱到，個餐牌就打側先睇到，諗住叫阿姐攞個餐牌冇咁辛苦啦，阿姐竟然好寸咀地叫我地唔識自己側埋睇。最後叫左兩個特餐26蚊包沙爹牛，一個餐包，一隻太陽蛋加塊火腿，加兩蚊整杯凍奶茶阿姐好快就攞左杯凍奶茶嚟，誰不知轉個頭就將果杯攞去隔離枱。但係原來佢落錯打，隔離叫熱奶茶。跟住佢又扮蟹攞返去出野食個位再攞返俾我。扮哂新一杯咁。好啦。d野食出哂啦，d味道真係普通過普通，牛肉全部喺底，總要係冇乜得幾塊，最慘仲要夾雜米粉同d鍋濃。餐包就得少少牛油，其它都冇咩特別。只可以講真係一間好普通茶餐廰嘅水準。最搞笑嘅就係我食完先就攞d錢出嚟睇下夠唔夠錢埋單啦，但係果時我女朋友都未食完，阿姐就二話不說咁收哂d野食。=o=間野係開左好多年，好多年之前都好出名，但係d服務態度就真係有待改善，阿姐全程都黑面，咁多年冇幫襯過都啱嘅。隔離尼斯差唔多價錢好食幾多，三十幾蚊包湯包包包飯包野飲包甜品，d侍應禮貌幾多。我只係有果句講果句。