Lab Eat Bistro (豉油街) (已結業)

任食前菜💛有芝士同麵包，芝士有好靚嘅車打芝士，可以放落啲焗脆佐嘅多士度，都係非常好食！炸雞🧡炸雞都係任食，一粒粒嘅雞粒好香口，炸得好脆，啲肉又好滑仲要好香添！濃濃燒烤醬豬肋骨🤎呢個豬肋骨好大份好大件，每一件都好多肉，又多燒汁，燒汁令到啲豬肋骨好香，又唔會烤得過老，仲有伴碟既薯條都好正，又係好脆好熱辣，另外個蕃茄都有烤過有蒜蓉香，超正囉！溫泉蛋海膽醬意大利飯🧡呢個又係一個超班嘅意大利飯，每一粒飯都有海膽香，真係用好香濃嘅海膽醬去煮出嚟，啲飯又軟硬適中，溫泉蛋都整得好好，撈勻個飯簡直係爆好食！任食甜品💜呢度嘅任食甜品有好多款，馬卡龍，意式奶凍，蛋糕都有，啲馬卡龍仲有薄荷味，第一次食，原來都咁好食，全部都整得唔會太甜，岩岩好！