鮨穴

营业中

休息中

吞拿魚腩薄脆；面層嘅係吞拿魚蓉，而下層就係米餅！吞拿魚蓉顏色吸引，帶有油香，而米餅炸得脆身，倆者帶來唔同嘅口感，味道層次也相當豐富！油甘魚刺身沙律；油甘魚刺身，鮮甜爽口！沙律菜新鮮，再配上我喜愛嘅沙律醋，真係可以食唔停！清酒煮蜆；蜆很香甜，而且味鮮；蜆肉嘅鮮味令到成個汁都好鮮甜，結果忍唔住飲哂食煲清酒汁！蟹王粥；成隻蟹係窩粥入面，所以個粥都好有蟹嘅鮮甜味，而且份量也頗多有滿滿的4大碗。甜品叫咗燒年糕同桃味雪芭！燒年糕外脆內熱，而且軟棉棉又帶點煙韌，再加上花生漿同沙糖，十分好味！桃味雪芭有果肉，而且果味濃郁，好似食緊白桃咁！