嗎哪餐廳

营业中

休息中

之前睇過呢間社企嘅訪問，知道佢地係疫情期間雖然經營困難，但係仍然保持初心，繼續提供熱飯俾有需要人士，真心覺得要支持下呢間餐廳。之前試過唔少社企餐廳都唔太好少，呢間算係價錢合理，食物質素唔錯，值得試下。叉燒油雞飯+熱玫瑰花茶 ($48, 7.5/10):叉燒偏瘦，但好稔，唔會話好乾柴，相信係用左脢頭部位。叉燒幾重蜜汁味，稍為咸左少少。油雞：雖然係雞胸位，但都算幾滑。玫瑰花茶：玫瑰味偏淡，而且啲玫瑰花浮晒上面，飲果陣好容易飲到成口都係玫瑰花，建議可以用茶袋裝起，或者直接用玫瑰花茶包會更出味。