影片
更多
2015-08-23
999 浏览
香港寸金尺土，生活同進食都被迫匆匆忙忙，食而不知其味。知道有間新開CAFE「難得糊塗」，梗要先食為快。 CAFE係樓上舖，門口位有迷你畫廊同獨立沏茶間，無喧鬧人聲，多一分雅緻。全店用木制枱椅，感覺簡約恬靜。外望旺角警署一帶，景觀開揚，加上天然光線，令人心曠神怡。 本著少食多餐嘅原則，點咗ALL DAY BREAKFAST($78/5 CHOICE),最深印象係餐牌話需時45分鐘😱！！問番侍應，佢話只係繁忙時嘅溫馨提示，所以如果全場爆滿就要好有耐性。份早餐20分鐘就嚟到，正路材料，不過不失，其中大蘑菇做得出色，汁醬惹味，但整體嚟講份量較少，比較適合女仕。 跟餐加配糊塗手打咖啡(原價$30，跟餐$10)咖啡質地近似EXPRESO,底質較苦但甘味持久，單飲比較乾澀，但加上奶泡點綴，除咗視覺效果，實際上平衡咗咖啡苦味，先甜後苦，層次鮮明。 同行友人試午餐中嘅焗飯同扁意粉餐。先上枱係跟餐嘅羅宋湯同田園沙律，一般茶記貨色，且湯僅是微暖，可謂低級錯誤。 蒜片大蝦辣肉腸扁意大利粉($68)意粉不經調味及無醬汁，大蝦新鮮，辣肉腸尚算咸香，整體口
香港寸金尺土，生活同進食都被迫匆匆忙忙，食而不知其味。知道有間新開CAFE「難得糊塗」，梗要先食為快。
CAFE係樓上舖，門口位有迷你畫廊同獨立沏茶間，無喧鬧人聲，多一分雅緻。全店用木制枱椅，感覺簡約恬靜。外望旺角警署一帶，景觀開揚，加上天然光線，令人心曠神怡。
本著少食多餐嘅原則，點咗ALL DAY BREAKFAST($78/5 CHOICE),最深印象係餐牌話需時45分鐘😱！！問番侍應，佢話只係繁忙時嘅溫馨提示，所以如果全場爆滿就要好有耐性。份早餐20分鐘就嚟到，正路材料，不過不失，其中大蘑菇做得出色，汁醬惹味，但整體嚟講份量較少，比較適合女仕。
跟餐加配糊塗手打咖啡(原價$30，跟餐$10)咖啡質地近似EXPRESO,底質較苦但甘味持久，單飲比較乾澀，但加上奶泡點綴，除咗視覺效果，實際上平衡咗咖啡苦味，先甜後苦，層次鮮明。
同行友人試午餐中嘅焗飯同扁意粉餐。
先上枱係跟餐嘅羅宋湯同田園沙律，一般茶記貨色，且湯僅是微暖，可謂低級錯誤。
蒜片大蝦辣肉腸扁意大利粉($68)
意粉不經調味及無醬汁，大蝦新鮮，辣肉腸尚算咸香，整體口味比較清淡而互不配搭，而且扁意粉偏腍身，屬業餘水準。
焗海鮮飯($78)
以白汁焗製，配以魷魚、青口、蝦及魚柳，飯底較濕，可幸配料新鮮而醬汁濃淡得宜。
坦桑尼亞AA咖啡($42,跟餐$22)
一貫非洲式咖啡，飛沙走奶，甘香苦澀，但口感偏「削」，不過不失。
檸檬草普洱($45,跟餐$25)
上枱時眼前一亮，精緻玻璃茶壺用燭台坐熱，襯以別緻玻璃杯，令飲茶興致都提高晒。
雖然只係用普洱茶包，但浸泡新鮮LEMON GRASS，清香醇厚，估唔到又幾好飲。
今日下晝一點嚟到，但全場爆滿，但可能受餐廳氣氛影響，沒有平常嘅喧鬧，食客都可以喺寧和恬靜嘅城市綠洲中享受用膳嘅樂趣，淨係呢樣嘢，已值回票價。
张贴
