薄餅怪獸

营业中

休息中

新蒲崗原來係有好野食，呢間薄餅怪獸真係好有勁，內裡裝修有型有格之餘，食物質素都好好！今次我地兩個人點左一個意粉、一個細pizza、一個豬手同埋飲品，又係棒住個肚走啦！好味！白汁海鮮焗闊條麵白汁濃濃，掛得到在闊條麵度，份量適中，唔會太大食唔哂，又唔會太細唔夠食！千島海鮮薄餅呢個推介呀，我地叫左個細既，薄餅料好豐富，芝士濃厚，薄餅底真係不得了，厚薄剛好！唔會過粉，同埋亦焗得岩岩好！千島醬都好搭呢！正！二人份量正好！黑椒無骨豬手拼香草腸呢個又係推介！無骨豬手焗得岩岩好，肉質口感易咬口，唔會好多筋及渣，豬手份量十足，對得住個價錢！又易切開，同埋帶有肉汁，連皮食，脂肪加肉一齊入口好夾，香草腸都唔錯，不過豬手已經好強了！推介！