一浩 (已結業)

公司福利都算唔錯，生日可以放一日假，所以為咗充實利用呢一日，我就決定去到黃金海岸食個正嘅午餐慶祝~~對於我呢個新界人黎講，其實唔算遠，但係由於係平日嘅關係，所以比較少有，相信都係附近嘅居民，而我嘅午餐就係呢間大玻璃自動門嘅日式餐廳餐廳裝潢比較西式，高樓底而且佔地廣，仲有室外座位，可以邊食邊欣賞海景，享受下悠閒嘅生活，可惜天氣不似預期，所以我同海景無緣喇。而我揀咗食廚師發辦，所以就俾安排坐吧枱，欣賞廚師表演都唔錯吖~揀好食廚師發辦之後，廚師就開始準備各款刺身等嘅材料，好快就有呢個柚子醋魚春，外觀同白子有啲似，食落口感都係有啲creamy，配埋清新嘅柚子醋真係幾開胃口跟住就係幾款新鮮嘅刺身，分別有帆立貝、赤貝同油甘魚，帆立貝就夾住一片檸檬，少少嘅酸味更可以帶出鮮甜味；赤貝嘅口感就幾爽口；而油甘魚就係微微厚切嘅，唔會腥～不過唔洗講都知，我嘅至愛緊係帶子啦!!!刺身之後，都係刺身，但係就係熟嘅磯燒鮑魚，望住師傅將一大隻嘅鮑魚切片，真係已經流曬口水，急不及待喇!! 相信呢個鮑魚經過長時間熬煮，因為唔需要再加上任何調味，味道就已經好好，而且保持到彈牙嘅質感，仲唔會韌添，味道同口感都好有水準食完餐前