今日有緊要事就無辦法了 嚟襯旺角我多數去依度 因為座位好闊落 
就算多人都唔使同人迫 
門口見到依啲字眼同店內有人探熱幫忙消毒雙手
感覺衛生 讓我多一份安心
期間隔離枱有人就咁放個口罩喺枱面 店員見到即刻比個信封佢
請佢放返好個口罩 依啲情況出面成日見到 但其他地方多數唔理
今日食左個自選午餐 黑椒雞柳腸意粉 雞柳大件入味 黑椒香濃 意粉彈牙
我鍾意佢係用汁包住每條意粉再加粒粒黑椒 而唔係一pat醬就咁攤喺面
Oreo奶昔 我好鍾意飲 依度係目前飲過最好飲 濃濃嘅Oreo 感覺似食緊雪糕
整體配合得接近完美跟餐只係$19 我認為超值
