馬哥孛羅咖啡廳

今次係本人生日，所以朋友請我食飯~😁而家想搵間有生蠔食嘅自助餐真係好難，以前食過幾間都有，但而家陸續開始冇部都冇得食生蠔🙄係openrice搵到後都要打電話去確認下係咪真係有生蠔食先訂位🤣🤣不過我絕對唔係生蠔怪，最多都係食3隻左右，同埋我哋食得唔多，不過想試多啲種類同埋可以坐得耐啲傾下計咁啫😎呢間食咗有生蠔食，最重要係有啤酒任飲😆😆我好鐘意飲啤酒🤤去到嗰度安排咗坐卡位，坐位好舒服😗之後出去諗住拎生蠔食，去到放生蠔嘅位置時，有啲失望，因為都係唔係即開，又係開完拎出嚟，不過就有員工係度幫你分，一人兩隻咁拎，但每次拎出嚟嘅生蠔數量都好少，唔夠分，咁唯有等下轉，點知下轉又等咗好耐，好彩俾我分到兩隻，但食落去感覺唔太新鮮😔之後都唔想再去拎嚟食，但另外個朋友就好鐘意食，佢話冇所謂，唔係去到臭都冇問題😑去到後段時，啲蠔出得超快，快到滯銷，冇人食~都唔知係咪啲人食夠晒唔再去拎，定還是佢哋開定太多，早段出得太慢，見臨收工就嗱嗱聲拎埋出嚟🤔不過都係我個人猜測啫~每間公司都有自己嘅程序同出品次序時間，又唔到我哋話事😝同場見到有魔術師同啲小朋友玩下，表演魔術俾佢哋睇，令到啲小朋友好開心🤗都幾特別下。至於其他食