來多碗車仔麵 (康寧道) (已搬遷) 新店位置

聽聞觀塘有間好平既車仔麵，於是去朝聖下！其實都唔難搵既，係裕民坊行過幾條街就係嫁啦！大約三個字都到。最簡單既點餸方法，睇你食幾多餸啦。我就嗌左三餸，有蘿蔔，大腸，豬紅，河粉。如果要辣就另有下匙羹係自家製既辣醬。我都算食到辣既，所以唔覺得好辣，就咁試個醬就覺得有d甜甜地先再辣。湯底都好濃既牛腩汁，睇佢d色都知啦！成碗最正係蘿蔔，超入味得黎仲好甜必嗌。大腸就中挺，淋既但係咪好夠味呢，就唔多覺啦！豬紅都唔差丫！可能我好耐冇食豬紅，都嗌得過河粉就平平，一般出面食到個d。男朋友就係依碗佢就四餸，豬皮，大腸，魷魚，牛腩，粗麵。豬皮因為我本身唔食，俾唔到意見，但佢就覺得平平。牛腩同魷魚其實係見其他食家都讚再試下。。。但失望。。魷魚好干，好似煲左好多日咁，no good。牛腩靭靭靭。。。完全唔應該嗌。好唔得。。。。bad bad bad，好易會攝牙。總結，價錢上係唔錯，三十蚊一個三餸，出面都好少有。我推介一定係蘿蔔繼而豬紅(但唔係個個岩)。