漁釧 (將軍澳中心) (已結業)

將中新開的日本餐館，我想試了幾次都因為太多人排隊而放棄。上星期日一個人趁lunch時間再去撞下，好彩有位坐到吧枱。少有地自己享受一下，當然叫拖羅，壽司同自家製梅酒試下。本著唔好的就冇下次的打算，叫咗大拖羅壽司，中拖羅刺身和一款有蟹肉，魚子，海膽，沙津的卷物，仲有一杯帶桂花味的梅酒。先來拖羅，賣相已不錯，入口冇雪味，溫度唔太凍，雖然唔算好肥，但都有啲入口即溶的感覺，得！而那灻混合卷物就不過不失，下次可以試其他嘢。我最欣賞杯梅酒，純純地，真係有點香香的桂花味。