一生懸麵 (荃灣千色匯I) (已結業)

香港越開越多拉麵店，各種各樣不同口味都有，當掛住日本拉麵的時候都可以隨時隨地可以吃到，超方便。今晚突然拉麵癮發作，近近地放工在荃灣一帶搵拉麵店食完再行街。千色匯原來新開了一間拉麵店，店舖環境寬闊乾淨，而且仲好有日本感覺。【唐揚炸雞】每次見到menu 有炸雞都忍唔住叫一客，日式炸雞外皮炸得特別香脆，凍了也保持香脆口感，落開肉汁豐富，雞肉鮮嫩可口，加點沙律醬味道更滋味。【野菜山拉麵】碗內野菜堆到山一樣高，差點兒就滿瀉出來，有芽菜、椰菜、大蔥，加上大量蒜蓉，湯頭清爽不油膩，拌入蒜蓉香氣大增，而且蒜香味非常增添食慾，拉麵用上粗身麵條，爽口彈牙。【魚介豚骨沾麵】魚介湯底濃稠鮮香，層次感十足，以豚骨濃湯為底加入魚乾風味，拉麵選取了熱麵，配上熱湯比較夾，叉燒表面炙燒過，所以食落焦香軟淋，肉質鮮嫩，而且如果中途覺得湯底不夠熱，仲可以用電爐自己加熱，超貼心又方便。