漁樂 (TKO Spot)

营业中

休息中

聽唔少朋友講過漁樂係屋邨入面算好唔錯嘅餐廳，不過次次午餐晚餐時段去都見到好多人排隊，係多到連飛都無攞就走，今次平日六點到就終於試到平民高質泰國菜。叫咗兩味主菜，其中一款就係冬陰公牛肉湯粉，因為走葱嘅原因睇落去比較單調，個湯底當然無一般冬陰公咁濃味，以湯底嚟講就淡得啱啱好。而牛肉總共有六塊，用個湯泡多一泡會熟多少少，但係仍然好嫩，都只係$49！另一個係金不換炒金邊粉（$57），側邊有辣椒、糖、青檸、花生，最後決定將所有配料都溝埋，唔會太甜，唔會太辣，好好味，亦都好大份好夠飽。