千福大少 (已結業)

上網繼續搵尖沙咀有乜好食, 睇到呢間好評居多,即管試下啦. 七點零去到無哂食飯位, 又唔想坐戶外位驚打風落雨,最後坐左SOFA位,都OK啦.黎到梗係試佢最出名既海南雞飯啦,嗌左個$88既餐,另外再加個喬寶寶咖哩魚柳烏冬($58).海南雞飯: 用茶壺裝住既湯, 飲落係紅蘿蔔湯(唔知係咪日日一樣既呢?), 海南雞加油飯加三種醬汁. 雞肉好嫩滑, 個汁就甜鼓油最濃味, 油飯都好好味, 正.魚柳烏冬: 炸魚柳熱辣辣, 好滑, 個咖哩汁係紅咖哩, 有少少辣, 反而烏冬覺得唔夠煙韌, 相比起之下有D失色勒.因為打風所以都唔坐咁耐食完就走勒, 下次約人happy friday都可以考慮下呢間呢.