群記爽腩店

早前新開張又免費試食又八折優惠咗成個幾月嘅郡記，排隊排到出馬路，睇見都唔想試。宜家新張過後冇著數，人龍就冇啦，不過依然人來人往。
一向鍾情於生麵嘅我，今日都一反常態，食牛腩就梗係配米粉或河粉啦，見咁耐冇食過河粉，就整碗牛什牛筋河歎吓。
我對河粉認識唔多，知道除咗要爽滑外，都係爽滑，咁呢碗粉都煮得唔錯，冇打結成一團粉，冇糠味。湯底係牛肉清湯，味道剛好，唔覺味精，有淡淡鹵水味。牛筋炆得好冧，膠膠地又唔散，牛肺牛肚係清湯煮嘅，偏淡但一啲都唔腥臭。難得柴灣終於有碗似樣嘅潮式麵食，多謝!

牛什牛筋河