Gastrobox by Okapi Cafe (已結業)

難得老闆帶我同個客去西貢食晏，之前睇報紙介紹過這間餐廳所以特登來試，我叫左個生牛柳蜆殼粉沙律$68，見到個樣已經嘩一聲，好大碟，食落味道唔錯，牛柳如果再淋D就更好哪! 蜆蜆殼粉質感有咬口配埋D沙律汁真係好好味呀! 我老闆就要左個拿坡里焗雞髀扒$78，都好好味架! 塊雞扒好嫩架! 唔太實好香口，D汁重好野味架。 我個客就叫左香草扒三文魚$88，佢話個魚好新鮮同出面唔同好多汁同好滑架! 不過份量就少D。其實重有個湯同麵包架，不過唔記得影相，個包好脆架湯又好飲架，如果臨尾有甜品就Perfect哪，因為食得太飽食唔到，下次一定要再來試晚餐。