金泰棧 (華都商場56-58號舖)

营业中

休息中

嚟過多次，都保持到一定水準，睇完YT馬神介紹佢嘅椰青沙冰，據知用新鮮椰青水打出嚟，椰味嘅程度在我還可接受嘅範圍之內，因我對於椰子確實麻麻。星洲炒雞肉河，咖哩味同辣味平衡得好，有辣味、咖哩味又香，不過雞肉好似無醃過咁，無乜味咁，扣咗少少分。今次個乾炒金邊粉水準返回來，酸甜酸甜好好味，夠乾身。豬踭炆至入味兼入口即化嘅豬踭飯，好好味，只係飯對於平時食開「軟飯」嘅我就覺得硬咗啲。小食類，每次必食炸雞棗，同野菜魚餅，好推薦。