二鍋頭 (好運中心)

同同事喺沙田搵野食，行過見到呢間鍋底任食專門店，即刻被門口餐牌吸引！雞煲、豬手煲、牛尾煲、烤魚、羊腩煲、牛雜，再加10款自選湯底，選擇多到眼花，所以入去試下。

今次試咗烤魚醬香味，條魚上枱時已經煎到金黃，放落煲再滾，外皮保持微脆，肉質嫩滑唔散，醬汁濃郁，而且骨唔算多，食得好舒服。份量設計幾貼心，一條魚兩個人分剛好唔會太飽，留肚再試多個羊腩煲！

羊腩煲果然無令人失望，材料落得足，羊腩炆到軟腍入味，連皮帶肉充滿膠質，底下嘅枝竹吸盡湯汁，秋冬食真係暖笠笠。

任食模式可以自由配搭，仲可以嗌海鮮，例如蝦、蜆，都好當中新鮮～牛板鍵好香牛味，忍唔住點左幾次，丸同菜等等都係任拎，飲品亦有好多選擇，幾有驚喜！

1