籽樂廚房 (已結業)

朋友早前推介過一間社企餐廳，於是就決定同屋企人一齊試下支持下！成間餐廳地方好寬落，完全無果種食完就覺得要俾人趕既壓迫感。侍應態度亦都好好，好有禮貌同好主動，一坐低就斟定杯暖水，好窩心！我地嗌左一個set 同一個散嗌既天使麵。首先上既就係頭盤田園大啡菇沙律，大啡菇配合酸酸地既黑醋有意想不到既效果！減輕左濃烈既菇味但就令到成個沙律清新好多，有趣既配搭！到主菜喇！我地嗌左個蕃茄大蝦意大利飯，同出面普通既意大利飯唔同，呢個飯感覺light 好多，食落亦唔會有果種好膩既感覺！另一個主菜就係忌廉汁大蝦天使麵。大蝦烤既火候岩岩好，唔會淋曬亦唔會太乾，抵讚！至於天使麵方面由於嗌左忌廉汁，所以會俾岩岩個飯膩少少，但係亦都唔算係食兩啖就膩到食唔落果隻，有忌廉香之餘亦都算平衡到！