影片
更多
2020-02-01
165 浏览
作為港島人，落去堅尼地城搵野食好正常，順便試下D快餐店食物質素。麻辣雲吞湯2碗，湯底味道清淡，只係有些微少辣油嘅味度，辣度約為十小辣;雲吞簡直皮薄餡靚，喺薄皮底下都可以見到橙紅色嘅豬肉餡料，雲吞大大粒，雲吞皮滑嫩，豬肉口感厚實、味道麻度約4分、辣度約為五小辣。孜然雞翼，炸得幾脆口，有香濃嘅孜然味。老北方炸醬幼麵、肉丸湯、蒜蓉小黃瓜，老北方炸醬幼麵係乾拌嘅，麵條幾有彈性，炸醬味道濃郁，青瓜絲雖然份量唔多但中和到炸醬嘅鹹味，整體味道上更順口、更好接受;肉丸湯，湯底清甜，肉丸口感彈牙，帶點肉汁;蒜蓉小黃瓜，蒜味香濃，小黃瓜好有脆度。川味擔擔拌刀削麵、肉丸湯、蒜蓉小黃瓜，川味擔擔拌刀削麵份量都幾多，麵條口感彈牙，配上麻油、花生醬，因為醬汁都幾濃稠，每條麵條都沾到醬汁，所以好夠味，清爽嘅小黃瓜平衡翻口腔嘅味道，就咁食完個麵都唔會口渴。陝西肉夾饃:辣味雞肉，肉夾饃即係用薄餅夾著餡料，雞肉味道帶點微辣，肉味中亦有滲透出香料嘅味道，薄餅餅皮口感厚實，食落有咬口，煎得好金黃、香口。熱情果梳打，梳打水嘅比例調配得幾好，飲落好有汽，而且甜度約4-5分，飲落好順口、清爽。菠蘿梳打，飲落好清新，內有粒粒菠蘿果肉
麻辣雲吞湯2碗，湯底味道清淡，只係有些微少辣油嘅味度，辣度約為十小辣;雲吞簡直皮薄餡靚，喺薄皮底下都可以見到橙紅色嘅豬肉餡料，雲吞大大粒，雲吞皮滑嫩，豬肉口感厚實、味道麻度約4分、辣度約為五小辣。
孜然雞翼，炸得幾脆口，有香濃嘅孜然味。
老北方炸醬幼麵、肉丸湯、蒜蓉小黃瓜，老北方炸醬幼麵係乾拌嘅，麵條幾有彈性，炸醬味道濃郁，青瓜絲雖然份量唔多但中和到炸醬嘅鹹味，整體味道上更順口、更好接受;肉丸湯，湯底清甜，肉丸口感彈牙，帶點肉汁;蒜蓉小黃瓜，蒜味香濃，小黃瓜好有脆度。
川味擔擔拌刀削麵、肉丸湯、蒜蓉小黃瓜，川味擔擔拌刀削麵份量都幾多，麵條口感彈牙，配上麻油、花生醬，因為醬汁都幾濃稠，每條麵條都沾到醬汁，所以好夠味，清爽嘅小黃瓜平衡翻口腔嘅味道，就咁食完個麵都唔會口渴。
陝西肉夾饃:辣味雞肉，肉夾饃即係用薄餅夾著餡料，雞肉味道帶點微辣，肉味中亦有滲透出香料嘅味道，薄餅餅皮口感厚實，食落有咬口，煎得好金黃、香口。
熱情果梳打，梳打水嘅比例調配得幾好，飲落好有汽，而且甜度約4-5分，飲落好順口、清爽。
菠蘿梳打，飲落好清新，內有粒粒菠蘿果肉，味道香甜。
张贴
