影片
更多
2010-08-29
1 浏览
第一次寫食評，原本打算不寫，但實在覺得太差，希望大家小心考慮。食物質素方面，刺身本身其實對於我呢種要求不高的人來說還可以，不過presentation就勁差，刺身完全係好求其亂拋上碟。（但隔離枱的小姐就話食到想嘔，同埋話熟食完全凍，因而食左一陣就憤而埋單全家拉隊走人）。不過樣唔夠靚唔緊要，食到就得啦。點知卷物亦好求其，非常的鬆散，飯多涵少。再者，花之戀並不是捲在一起的，而是散開的"殘花之戀"。熟食方面除了焗蠔外全都只是微暖。講真，俾百幾蚊食刺食，對食物質素不應太高要求。雖然品質可能比部分同價自助餐差d，但食既時候又唔覺得要好似隔離咁埋單怒走。可惜…服務態度亦每況越下。1)開頭果時不停咁將我果枱叫的野同隔離枱搞亂，要我地自己換來換去，此為服務問題一。心想是忙中有錯吧，但問題二又來了....2)唔知點解有好幾個男侍應都好似唔想做咁，叫佢拎wasabi要叫三次，拎過來時係拋落枱度，放低其他野食都係咁。又心想可能是剛入職訓練未夠，但問題三又來....3)另一個侍應過來話last order，我地話佢知有d野好耐未o黎，佢竟然用教訓的口氣講話叫左就會整，好似我地講野多餘，但果時已等左好耐。問題一
第一次寫食評，原本打算不寫，但實在覺得太差，希望大家小心考慮。
食物質素方面，刺身本身其實對於我呢種要求不高的人來說還可以，不過presentation就勁差，刺身完全係好求其亂拋上碟。（但隔離枱的小姐就話食到想嘔，同埋話熟食完全凍，因而食左一陣就憤而埋單全家拉隊走人）。不過樣唔夠靚唔緊要，食到就得啦。點知卷物亦好求其，非常的鬆散，飯多涵少。再者，花之戀並不是捲在一起的，而是散開的"殘花之戀"。熟食方面除了焗蠔外全都只是微暖。
講真，俾百幾蚊食刺食，對食物質素不應太高要求。雖然品質可能比部分同價自助餐差d，但食既時候又唔覺得要好似隔離咁埋單怒走。可惜…服務態度亦每況越下。
1)開頭果時不停咁將我果枱叫的野同隔離枱搞亂，要我地自己換來換去，此為服務問題一。心想是忙中有錯吧，但問題二又來了....
2)唔知點解有好幾個男侍應都好似唔想做咁，叫佢拎wasabi要叫三次，拎過來時係拋落枱度，放低其他野食都係咁。又心想可能是剛入職訓練未夠，但問題三又來....
3)另一個侍應過來話last order，我地話佢知有d野好耐未o黎，佢竟然用教訓的口氣講話叫左就會整，好似我地講野多餘，但果時已等左好耐。問題一浪接一浪，當我地問佢三文魚可唔可以俾d唔好咁肥果時（我地語氣係超平和的），果個人竟然話"咩叫唔肥啊？魚腩黎喎。"。嘩，做乜會咁既態度架？其實真係好想問那些態度較好的女侍應，但又行開晒，真係好受氣。
4)最後埋單時另一個侍應又連信用卡都跌落地，我地自己執返佢連"對唔住"都冇聲。
浦和新開時都好經常幫襯佢，但後來食物愈來愈差，加上荃灣又有其他選擇就冇乜點黎，今次見佢話有新主廚就試多次，點知食物其實仲差左，連服務都好差。管理方面有問題吧！百幾蚊唔係好多錢，或者食物不應太高要求，但服務方面都搞成咁，真係好唔要得。
一晚就已經起碼有兩枱客超不滿，仲要我自己其實係要求唔太高....本來冇寫開食評，但希望各位小心考慮！食野想開開心心，搞到咁真無意思。有野叫女侍應可能好d掛！
张贴