影片
更多
2004-09-15
6 浏览
離港公幹前的早上，已經要去機場開準備會。午飯都要同老細食，當然不能食得太差，希福係丹麥牌子，都叫有D名，亦收得唔平，應該唔會太失禮，加上未試過，就來了這裡吃。一時多來到，人客不多，而看樣子亦以內地同胞為主，都唔好話自由行對市道無幫助。呢度好明顯同隔離Grappa's係同一個集團，因為門口招徠的侍應會一次過介紹兩間餐廳。以價錢計，地方唔算好高級，在離境大堂上面，都算好坐。每張檯都有編號，侍應話係總店果邊訂做的，算是噱頭之一，不過張檯唔講就真係唔覺有何特別。餐牌有各類豬牛羊魚，而亦有午市套餐，連加一收過三百蚊，唔算平。我就要了套餐，老細就扒三文魚。套餐包沙律吧、200克的澳洲肉眼、甜品同咖啡或茶。沙律吧選擇不算很多，但都幾新鮮，各式茶及常見的沙律配料都有，如不喜歡吃沙律吧的還可以選焗田螺；澳洲肉眼要了四成，放在非常熱的鐵板上，慢慢就變了六成有多，所以如果要一路食一路傾的，可以考慮叫生少少，食時就剛好。肉眼肉質偏腍，當然的沒有渣，口感還算不差。跟扒沒有汁醬，可吃到扒的原味，但就附牛油一舊，加埋肉質脂肪比例都有相當，所以在熱板上是越食越多油，香就幾香，但食落都幾膩的。伴碟的薯條都不錯，加埋20
一時多來到，人客不多，而看樣子亦以內地同胞為主，都唔好話自由行對市道無幫助。呢度好明顯同隔離Grappa's係同一個集團，因為門口招徠的侍應會一次過介紹兩間餐廳。以價錢計，地方唔算好高級，在離境大堂上面，都算好坐。每張檯都有編號，侍應話係總店果邊訂做的，算是噱頭之一，不過張檯唔講就真係唔覺有何特別。餐牌有各類豬牛羊魚，而亦有午市套餐，連加一收過三百蚊，唔算平。我就要了套餐，老細就扒三文魚。
套餐包沙律吧、200克的澳洲肉眼、甜品同咖啡或茶。沙律吧選擇不算很多，但都幾新鮮，各式茶及常見的沙律配料都有，如不喜歡吃沙律吧的還可以選焗田螺；澳洲肉眼要了四成，放在非常熱的鐵板上，慢慢就變了六成有多，所以如果要一路食一路傾的，可以考慮叫生少少，食時就剛好。肉眼肉質偏腍，當然的沒有渣，口感還算不差。跟扒沒有汁醬，可吃到扒的原味，但就附牛油一舊，加埋肉質脂肪比例都有相當，所以在熱板上是越食越多油，香就幾香，但食落都幾膩的。伴碟的薯條都不錯，加埋200克扒是相當夠份量的了；
甜品是芝士蛋糕，味道不錯，但鋸了一個加了牛油的扒後，是膩上加膩，以至到食晚飯時都頂住頂住。老細的三文魚扒都夠份量，但味道我估麻麻，不過佢話OK，加了一成二百幾，亦不算平。
連兩位飲品，埋單五百五十幾，以午餐計是六星級酒店扒房的收費，質數不錯，但去不到頂級，如果要自掏腰包的話真的要再三考慮。
张贴