杏香園 (已結業)

杏香園，依稀記得在澳門街幫襯過。又一過江龍渡江而來到九龍城呢個糖水重地，當然要試食一下。以上餐牌，價錢離地，比一般甜品舖貴，但若果好食又另作別論。兩碗糖水，紅豆沙與西米露。其實還外賣了一碗咋喳，三碗115。家人説咋喳麻麻。紅豆沙豆還豆，水還水，還有一舊膠狀啫喱，此膠應該撈唔暈産生出來的。椰汁芋頭西米露，幾好幾甜又幾香，但好似椰香過份地濃郁。老老實實，百二蚊三碗，又點辣同離地，叫做食過就算，唔試亦肯定無捐失囉！若果在九龍城食糖水，自己意願一定唔輪到佢。