影片
更多
2019-11-24
370 浏览
我至今寫了68篇食評，個別餐廳縱然有未如理想的地方，也總有點值得欣賞之處，所以最差我都俾OK，未俾過負評。今次真係忍唔住了。話說又是香港風雨飄搖的一晚。因為另一間 omakase 滿座，臨時轉陣，來到這家 Uo N。8點多的週六晚，只有3檯客。我以為是因為街上太亂，點知另有原因。一開始的煙燻鴨胸鵪鶉蛋，不錯。之後來了一篤沙律醬混合刺身的牛油果他他，小小怪，但尚可接受。之後來一杯鹽水。開始覺得原來呢度係小小玩嘢的。但懷著「試下先」的心理繼續。刺身拼盤。大鑊。刺身本身望落唔係好靚，食落一般，最奇怪係個汁 - 蝦膏醬油！店主一定係諗過度過，但事實唔夾！成個蒸餾壺的木魚牛骨湯。又係玩視覺效果，煲出來好重木魚味。But that’s it。熱木魚水。報紙包雞。開始玩麥兜的「紙包雞」。又係意圖玩嘢，「扮報紙」我唔知到係咪好多人覺得「好得意啊」，我就感覺污糟啲。當然事實係米紙，食得嘅。不過有啲韌。正常的雪芭。謝天謝地又再玩紙！紙包熟海膽壽司。海膽份量小得可憐，味道也怪怪的。再來迷你鰻魚壽司。點心蒸籠上。都係玩嘢多於質量。救命，又玩「包住」同「蝦膏」。今次係炸蝦糯米飯，俾一塊荷葉包住，用夾仔（真夾仔）
我至今寫了68篇食評，個別餐廳縱然有未如理想的地方，也總有點值得欣賞之處，所以最差我都俾OK，未俾過負評。今次真係忍唔住了。
話說又是香港風雨飄搖的一晚。因為另一間 omakase 滿座，臨時轉陣，來到這家 Uo N。
8點多的週六晚，只有3檯客。我以為是因為街上太亂，點知另有原因。
一開始的煙燻鴨胸鵪鶉蛋，不錯。
之後來了一篤沙律醬混合刺身的牛油果他他，小小怪，但尚可接受。
之後來一杯鹽水。開始覺得原來呢度係小小玩嘢的。但懷著「試下先」的心理繼續。
刺身拼盤。大鑊。刺身本身望落唔係好靚，食落一般，最奇怪係個汁 - 蝦膏醬油！店主一定係諗過度過，但事實唔夾！
成個蒸餾壺的木魚牛骨湯。又係玩視覺效果，煲出來好重木魚味。But that’s it。熱木魚水。
報紙包雞。開始玩麥兜的「紙包雞」。又係意圖玩嘢，「扮報紙」我唔知到係咪好多人覺得「好得意啊」，我就感覺污糟啲。當然事實係米紙，食得嘅。不過有啲韌。
正常的雪芭。謝天謝地
又再玩紙！紙包熟海膽壽司。海膽份量小得可憐，味道也怪怪的。
再來迷你鰻魚壽司。點心蒸籠上。都係玩嘢多於質量。
救命，又玩「包住」同「蝦膏」。今次係炸蝦糯米飯，俾一塊荷葉包住，用夾仔（真夾仔）夾住，再跟一支牙膏裝蝦膏。唔夾！
黑松露醬帶子米通 - 算係無乜玩嘢。但米通唔脆。作為omakase 之前已經食左帶子，唔明點解又來。何況三樣嘢根本唔夾。
到呢味我已經崩潰了。將一塊魚、一舊飯、一塊菜，放喺一張印有歌詞的 A4 紙上。先唔講衛生問題，味道也奇怪，為了玩「鹹魚白菜也好好味」，可以去到咁盡。唔知係咪有客人會「好感動」，我只係覺得過哂火位。
吞拿魚脆脆壽司。正常。
綠茶雪糕，伴以糊狀東西（我戲稱貌似嘔吐物）。味道其實ok的，但我已經無力吐糟。
用了訂座app 優惠，埋單平均每位$980。omakase 來講不算貴，但質素認真一般，不值。
香港餐飲業競爭激烈。我明白有些店希望弄一點「特色」，有些店希望搞一點香港情懷。但前提是要點到即止，「玩嘢」不能凌駕食物質素，否則是喧賓奪主。這裡我只能說玩到離曬譜。
张贴
