海南雞專門店

营业中

休息中

次次去親太安樓都見到呢間野排晒隊，任何時間都係長長一條人龍，今日特登去排一次，睇下究竟海南雞有幾特別。叫左個海南雞飯($28)加送($8)，聽朋友講唔加送既話得好少雞，咁就加啦，只可外賣。啲雞肉都幾嫩滑，雞皮無咩肥膏痴住，辣醬唔太辣，唔太食得辣都唔洗驚。加左送分量真係岩岩夠一個女仔食。男人可能要加送加飯。其實我對海南雞無咩心得，唔好太肥太鞋就合格啦。賣相緊係同出面成七八十蚊碗既無得比，但係味道都係參唔多姐。重點係三十幾蚊，您仲想點，仲要送埋冬瓜湯or 薏米水，喺附近茶記食個常餐都四十蚊啦。