三多炸肶 (已結業)

聽講呢間野好出名，就同fd子黎食。間鋪好細，坐既位其實唔太舒服。最麻煩系張凳好高，我呢d腳短既人想坐，都有一定難度。一睇餐牌，我真系當堂嚇一跳。一個雞髀加一杯野飲要成48蚊，真心好貴！！！我唯有同個fd share一個餐試下味。個雞髀即炸，所以要等下，甘就飲住杯爆檸茶先。其實就系一杯凍檸茶，加爆爆珠。呢杯野要19蚊，其實我真系睇唔透。個味同普通檸檬茶冇分別。但有個問題，飲既時候想篤下d檸檬，就會篤爛d爆爆珠。但唔篤既話，又冇檸檬味。到底有邊個可以解答到我呢個千古疑難？！！！等左一陣，雞髀終於黎左。一上黎陣味就好香。抵讚既系個度有辣椒粉可以自己加辣。新鮮炸起真系好熱啊啊啊啊啊啊。熱到枝膠叉溶左，嚇死我。但我真系等唔切，忍熱蔑左一塊，擺落口。哇哇哇哇哇哇哇，我敢講，真系我呢世人食過最好食既雞髀！d肉汁爆曬出黎，雞肉好入味，調味做得好好。出面塊皮又夠脆，但唔會炸到太硬咬唔郁。我一個人應該食兩隻髀先夠。但可惜佢真系好貴，可能下次我有錢既時候會去買多隻炸髀。