巷仔內

营业中

休息中

唔係同事介紹都唔知觀塘工業大廈上面有間台式小店，味道非常正宗，係台灣嘅風味，而且價錢合理，帶埋小朋友嚟試吓，店員就推介一定要食呢度嘅炸全雞，原隻上夠晒震撼。餐廳俾定手套你，自己慢慢撕落嚟食，小朋友覺得好好玩，食得好開心，而大人就覺得好驚喜，因為估唔到味道咁出色，隻雞好入味，食入口仲好嫩滑，真係雞有雞味，非常驚喜好好食。另外叫咗巨無霸排骨飯，真係巨無霸咁大塊，豬扒厚切好有口感，白飯撈埋醬汁同埋粟米一齊食，好好食。另外去台灣小店點可以唔野鹽酥雞，新鮮炸氣好香好脆。台灣新竹米粉小朋友最鍾意，仲有花枝丸都係好有台灣嘅感覺，下次一定要試埋其他食物。最後不得不提，小朋友最開心係原來餐廳做緊推廣，除咗店內有自助冰茶同埋冬瓜茶免費任飲之外，而家仲會送埋台式飲品，大大杯夏天飲非常消暑，4個人食4百幾蚊其實都算幾抵食。